Sonang ni Bornginna i (BATAKNESE)
TAKEN FROM: Buku Ende HKBP, No. 54

Sonang ni bornginna i,
Uju ro Jesus i,
Sonang modom do halak sude,
Holan dua na dungo dope
Mangingani Anakna
Jesus, Tuhanta i.

Denggan ni bornginna i,
Uju ro Jesus i,
Tu parmahan di Betlehem i
Dipaboa na di surgo i
Nunga ro Sipangolu,
Jesus, Tuhanta i.

Godang ni tua disi,
Di na ro Jesus i,
Tung malua pardosa muse
Sian hamagoanna sude,
Ala ro Sipangolu,
Jesus Tuhanta i.

Submitted by: Johnny F. H. Sianturi


Return to Homepage
Return to homepage